Святитель Нектарий Эгинский Пентапольский. Маленькая посеребренная икона 4,5 х 5,5 см.

Маленькую икону Нектария Эгинского Пентапольского в серебряном окладе удобно всегда носить с собой в бархатном мешочке,взять на работу,учёбу,в больницу.По молитвам к иконе Святителя Нектария Эгинского люди получают помощь и исцеление, в особенности же помогает он страдающим онкологическими заболеваниями.

Молитвы святителю Нектарию.

Молитва первая

О, мироточивая главо, Святителю Нектарие, Архиерею Божий! Во времена великаго отступления, нечестию мир пленившу, благочестием просиял еси и главу прегордаго Денницы, уязвляющаго нас, сокрушил еси. Сего ради дарова ти Христос врачевати язвы неисцельны, за беззакония наша нас поразившия. Веруем: возлюби тя Бог праведнаго, да тебе ради нас, грешных, помилует, от клятвы разрешит, от недуг избавит, и по всей вселенней страшно и славно будет имя Его, Отца и Сына и Святаго Духа, ныне и присно и во веки веков. Аминь.

Молитва вторая

О, Святителю Нектарие, отче Богомудрый! Приими, блюстителю веры православныя, исповедание устен людей христоименитых, собранных днесь в храме благодатию Божиею, в тебе живущею. Весть бо достиже до предел Российских, яко ты, велий во святых угодниче Христов, во всех концех вселенныя призывающим имя твое являешися и от раковыя болезни исцеление даруеши. Слышахом об иерее, тебе тезоименитом и храм во имя твое созидавшем со скорбьми велиими. Раковою убо язвою грудною поражен бе, крови на всяк день точащейся, и страждаше люте, дела же своего святаго не оставляше. Внезапу ты, Святителю многомилостиво, с небесе сшед, ему во храме предстал еси в видимом образе. Он же непщуя тя собрата едина от смертных быти, прошаше молитв твоих и рече: “Боляй есмь вельми, обаче хощу святый олтарь наздати, да поне единожды святую Литургию вкупе с прихожаны совершу; послежде и умрети готов есмь, смерть бо мя не страшит.” Ты же, отче, безплотен сый, слезами лице свое орошаше! и объем страдальца, лобызаше и глаголя: “Не тужи, чадо мое, яко, болезнию испытан, здрав будеши. Вси убо о чудеси сем ведати имут.” Он же, исцелен быв, абие разуме, с кем беседоваше, тебе невидиму бывшу. О, великий угодниче Христов Нектарие! Храм оный свершен есть ныне, и чудеса твои аки море преизливающееся умножишася! Мы же познахом, яко молитве праведника должно поспешествуемой быти усердием нашим к службе Божией и решимостью за Христа умирати, да здрави обрящемся. Молят тя, отче праведный, болящая чада твоя: да совершается с нами воля Божия, благая, угодная и совершенная, не хотящи смерти грешнику, но еже обратитися и живу быти ему. Ты же, провозвестниче воли Божией, исцели ны благодатным явлением своим, да велик будет Бог на небеси и на земли во веки веков! Аминь.